မြတ်စွာဘုရား ၏ တရားတော်တို့ကို နာကြားခွင့်ရသူ တို့သည် အလွန့်အလွန် ဘုန်းကံကြီးကြပါပေသည်။ (မိထွေးတော်ဂေါတမီ)  
www.dhammaweb.net  
line decor
  
Friday, 26th May 2017 8:04am.
line decor
             

Tipitaka DataBase
 
Home
အဘိဓမ္မပိဋက ဓမ္မသင်္ဂဏီပါဠိတော် စိတ်, စေတသိက်ပိုင်း အကုသလ၀ိပါက်အဗျာကတစိတ် ( အကုသလ၀ိပါက်ပဉ္စ၀ိညာဏ်စိတ်) အဘိဓမ္မပိဋက ဓမ္မသင်္ဂဏီပါဠိတော် စိတ်, စေတသိက်ပိုင်း
အကုသလ၀ိပါက်အဗျာကတစိတ် ( အကုသလ၀ိပါက်ပဉ္စ၀ိညာဏ်စိတ်)
Untitled Document

အကုသလ၀ိပါက်အဗျာကတစိတ်
၁-တရားတို့ကို ပိုင်းခြား၍ ဟောကြားခြင်း {ဓမ္မ၀၀တ္ထာန၀ါရ}
(က) အကျဉ်းချုပ်ဟောကြားခြင်း {ဥဒ္ဒေသ၀ါရ}
အကုသလ၀ိပါက်ပဉ္စ၀ိညာဏ်စိတ်
၅၅၆။ အဘယ်တရားတို့သည် အဗျာကတမည်ကုန်သနည်း။
အကြင်အခါ၌ အကုသိုလ်ကံကို ပြုအပ်ပြီးသည်၏အဖြစ်, ဆည်းပူးအပ် ပြီးသည်၏အဖြစ် (အဖန်ဖန်ပြုအပ်ပြီးသည်၏အဖြစ်) ကြောင့် အကျိုး {၀ိပါက်} ဖြစ်သော , လျစ်လျူရှုမှု {ဥပေက္ခာ} နှင့် တကွဖြစ်သော ,အဆင်း {ရူပါရုံ} လျှင် အာရုံရှိသော (ရူပါရုံကို အာရုံပြု၍) မြင်သိစိတ် {စက္ခုဝိညာဏ်} သည်ဖြစ်ဆဲဖြစ်၏။ပ။ လျစ်လျူရှုမှု {ဥပေက္ခာ} နှင့် တကွဖြစ်သော , အသံ {သဒ္ဒါရုံ} လျှင် အာရုံရှိသော (သဒ္ဒါရုံကိုအာရုံပြု၍) ကြားသိစိတ် {သောတ၀ိညာဏ်} သည် ဖြစ်ဆဲ ဖြစ်၏။ပ။ လျစ်လျူ ရှုမှု {ဥပေက္ခာ} နှင့်တကွဖြစ်သော , အနံ့ {ဂန္ဓာရုံ} လျှင် အာရုံရှိသော (ဂန္ဓာရုံကို အာရုံပြု၍) နံသိစိတ် {ဃာန၀ိညာဏ်} သည်ဖြစ်ဆဲဖြစ်၏။ပ။ လျစ်လျူရှုမှု {ဥပေက္ခာ} နှင့် တကွဖြစ်သော , အရသာ {ရသာရုံ} လျှင် အာရုံရှိသော (ရသာရုံကို အာရုံပြု၍) လျက်သိစိတ် {ဇိဝှါဝိညာဏ်} သည် ဖြစ်ဆဲဖြစ်၏။ပ။ ဆင်းရဲမှု {ဒုက္ခ} နှင့် တကွဖြစ်သော , အတွေ့ {ဖောဋ္ဌဗ္ဗာရုံ} လျှင် အာရုံရှိသော ထိသိစိတ် {ကာယ၀ိညာဏ်} သည် ဖြစ်ဆဲဖြစ်၏။ ထိုအခါ၌ တွေ့ထိမှု {ဖဿ} သည် ဖြစ်၏၊ ခံစားမှု {ဝေဒနာ} သည် ဖြစ်၏၊ မှတ်သားမှု {သညာ} သည်ဖြစ်၏၊ စေ့ဆော်မှု (နှိုးဆော်မှု) {စေတနာ} သည် ဖြစ်၏၊ သိမှု {စိတ်} သည် ဖြစ်၏၊ ဆင်းရဲမှု {ဒုက္ခ} သည်ဖြစ်၏၊ စိတ်၏ တစ်ခုတည်းသော အာရုံရှိသည်၏အဖြစ် {စိတ္တေဿကဂ္ဂတာ} သည် ဖြစ်၏၊ အစိုးတရ သိမှု {မနိနြေ္ဒ} သည် ဖြစ်၏၊ အစိုးတရ ဆင်းရဲမှု {ဒုက္ခိနြေ္ဒ} သည် ဖြစ်၏၊ အစိုးတရ စောင့်ရှောက်မှု {ဇီဝိတိနြေ္ဒ} သည် ဖြစ်၏။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသောတရားတို့မှ) တစ်မျိုးတခြားလည်း ဖြစ်ကုန်သော, အကြောင်းကို စွဲ၍ ဖြစ်ကုန်သော (မနသိကာရဟူသော) အကြင်နာမ် တရားတို့သည်ရှိကုန်၏။ ဤတရားတို့သည် အဗျာကတမည်ကုန်၏။
(ခ) အကျယ်ဟောကြားခြင်း {နိဒ္ဒေသ၀ါရ}
ဖဿ၏ သဘော
၅၅၇။ ထိုအခါ၌ တွေ့ထိမှု {ဖဿ} ဟူသည် အဘယ်သဘော ဖြစ်သနည်း။
ထိုအခါ၌ အကြင်တွေ့ထိမှု၊ တွေ့ထိပုံအခြင်းအရာ၊ ကောင်းစွာ တွေ့ထိပုံအခြင်းအရာ၊ ကောင်းစွာတွေ့ထိတတ်သည်၏ အဖြစ်သည် (ရှိ၏)။ ထိုအခါ၌ တွေ့ထိမှု {ဖဿ} ဟူသည် ဤသဘော ဖြစ်၏။။
ဝေဒနာ၏ သဘော
၅၅၈။ ထိုအခါ၌ ခံစားမှု {ဝေဒနာ} ဟူသည် အဘယ်သဘော ဖြစ်သနည်း။
ထိုအခါ၌ ထိုခံစားမှု {ဝေဒနာ} အား လျောက်ပတ်သော ထိသိမှုသဘော {ကာယ၀ိညာဏ ဓာတ်} ၏ ကောင်းစွာတွေ့ထိမှုကြောင့် ဖြစ်သော , ကိုယ်၌ မှီသော (ကိုယ်၌ ဖြစ်သော) အကြင်မသာယာ မှု၊ ကိုယ်၌ မှီသော (ကိုယ်၌ ဖြစ်သော) ဆင်းရဲမှု၊ ထိသိစိတ် {ကာယ၀ိညာဏ်} နှင့် ယှဉ်သော တွေ့ထိမှု {ဖဿ} ကြောင့်ဖြစ်သော မသာယာဖွယ်ကို ခံစားမှု၊ ဆင်းရဲကို ခံစားမှု၊ ထိသိစိတ် {ကာယ၀ိညာဏ်} နှင့်ယှဉ်သောတွေ့ထိမှု {ဖဿ} ကြောင့်ဖြစ်သော မသာယာဖွယ် ခံစားမှု၊ ဆင်းရဲခံစားမှု {ဝေဒနာ} သည် (ရှိ၏)။ ထိုအခါ၌ ခံစားမှု {ဝေဒနာ} ဟူသည် ဤသဘောဖြစ်၏။ပ။
ဒုက္ခ၏ သဘော
၅၅၉။ ထိုအခါ၌ ဆင်းရဲမှု {ဒုက္ခ} ဟူသည် အဘယ်သဘောဖြစ်သနည်း။
ထိုအခါ၌ ကိုယ်၌ မှီသော (ကိုယ်၌ ဖြစ်သော) အကြင် မသာယာမှု၊ ကိုယ်၌ မှီသော (ကိုယ်၌ ဖြစ်သော) ဆင်းရဲမှု၊ ထိသိစိတ် {ကာယ၀ိညာဏ်} နှင့် ယှဉ်သော တွေ့ထိမှု {ဖဿ} ကြောင့်ဖြစ်သော မသာယာ ဖွယ်ကို ခံစားမှု၊ ဆင်းရဲကို ခံစားမှု၊ ထိသိစိတ် {ကာယ၀ိညာဏ်} နှင့် ယှဉ်သော တွေ့ထိမှု {ဖဿ} ကြောင့် ဖြစ်သော မသာယာဖွယ် ခံစားမှု ဆင်းရဲခံစားမှု {ဝေဒနာ} သည် (ရှိ၏)။ ထိုအခါ၌ ဆင်းရဲမှု {ဒုက္ခ} ဟူသည်ဤသဘောဖြစ်၏။ပ။
ဒုက္ခိနြေ္ဒ၏သဘော
၅၆၀။ ထိုအခါ၌ အစိုးတရ ဆင်းရဲမှု {ဒုက္ခိနြေ္ဒ} ဟူသည် အဘယ်သဘောဖြစ်သနည်း။
ထိုအခါ၌ ကိုယ်၌ မှီသော (ကိုယ်၌ ဖြစ်သော) အကြင် မသာယာမှု၊ ကိုယ်၌ မှီသော (ကိုယ်၌ ဖြစ်သော) ဆင်းရဲမှု၊ ထိသိစိတ် {ကာယ၀ိညာဏ်} နှင့် ယှဉ်သော တွေ့ထိမှု {ဖဿ} ကြောင့်ဖြစ်သော မသာယာဖွယ်ကိုခံစားမှု၊ ဆင်းရဲကို ခံစားမှု၊ ထိသိစိတ် {ကာယ၀ိညာဏ်} နှင့်ယှဉ်သော တွေ့ထိမှု {ဖဿ} ကြောင့်ဖြစ်သော မသာယာဖွယ်ခံစားမှု၊ ဆင်းရဲခံစားမှု {ဝေဒနာ} သည် (ရှိ၏)။ ထိုအခါ၌ အစိုးတရ ဆင်းရဲမှု {ဒုက္ခိနြေ္ဒ} ဟူသည် ဤသဘောဖြစ်၏။ပ။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသော တရားတို့မှ) တစ်မျိုးတခြားလည်း ဖြစ်ကုန်သော အကြောင်းကို စွဲ၍ဖြစ်ကုန်သော (မနသိကာရဟူသော) အကြင်နာမ်တရား တို့သည် ရှိကုန်၏။ ဤတရားတို့သည် အဗျာကတမည်ကုန်၏။
၂-စုပေါင်းဟောကြားခြင်း {ကောဋ္ဌာသ၀ါရ}
(က) ဥဒ္ဒေသ၀ါရ
ထိုအခါ၌ ခန္ဓာလေးပါးတို့သည် ဖြစ်ကုန်၏ အာယတနနှစ်ပါးတို့သည် ဖြစ်ကုန်၏၊ ဓာတ်နှစ်ပါးတို့သည် ဖြစ်ကုန်၏၊ အာဟာရသုံးပါးတို့သည် ဖြစ်ကုန်၏။ ဣနြေ္ဒသုံးပါးတို့ သည် ဖြစ်ကုန်၏၊ ဖဿတစ်ပါးသည် ဖြစ်၏။ပ။ ထိသိမှုသဘော {ကာယ၀ိညာဏဓာတ်} တစ်ပါးသည် ဖြစ်၏၊ ဓမ္မာယတနတစ်ပါးသည် ဖြစ်၏၊ ဓမ္မဓာတ်တစ်ပါးသည် ဖြစ်၏။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသော တရားတို့မှ) တစ်မျိုးတခြားလည်း ဖြစ်ကုန်သော, အကြောင်းကို စွဲ၍ ဖြစ်ကုန်သော (မနသိကာရဟူသော) အကြင်နာမ် တရားတို့သည် ရှိကုန်၏။ ဤတရားတို့သည် အဗျာကတမည်ကုန်၏။
(ခ) အကျယ်ဟောကြားခြင်း {နိဒ္ဒေသ၀ါရ} နှင့် (ဂ) ပဋိနိဒ္ဒေသ၀ါရ
သင်္ခါရက္ခန္ဓာ
၅၆၁။ပ။ ထိုအခါ၌ ပြုပြင်မှုအစု {သင်္ခါရက္ခန္ဓာ} ဟူသည် အဘယ်သဘော ဖြစ်သနည်း။
(ထိုအခါ၌) တွေ့ထိမှု {ဖဿ} ၊ စေ့ဆော်မှု (နှိုးဆော်မှု) {စေတနာ} ၊ စိတ်၏တစ်ခုတည်း သောအာရုံရှိသည်၏အဖြစ် {စိတ္တေဿကဂ္ဂတာ} ၊ အစိုးတရ စောင့်ရှောက်မှု {ဇီဝိတိနြေ္ဒ} သည် (ရှိ၏)။ ထို့ပြင့်ထိုအခါ၌ ခံစားမှုအစု {ဝေဒနာက္ခန္ဓာ} ကို ချန်ထာ၍ မှတ်သားမှုအစု {သညာက္ခန္ဓာ} ကို ချန်ထား၍အထူးသိမှု (စိတ်) အစု {၀ိညာဏက္ခန္ဓာ} ကို ချန်ထား၍ (ဆိုအပ်ခဲ့ပြီးသော တရားတို့မှ) တစ်မျိုးတခြားလည်း ဖြစ်ကုန်သော အကြောင်းကို စွဲ၍ ဖြစ်ကုန်သော (မနသိကာရဟူသော) အကြင်နာမ်တရားတို့သည် ရှိကုန်၏။ ထိုအခါ၌ ပြုပြင်မှုအစု {သင်္ခါရက္ခန္ဓာ} ဟူသည် ဤသဘောဖြစ်၏။ပ။ ဤတရားတို့သည်အဗျာကတမည်ကုန်၏။
အကုသလ၀ိပါက် ပÍ္စ၀ိညာဏ်စိတ် ပြီးပြီ။