မြတ်စွာဘုရား ၏ တရားတော်တို့ကို နာကြားခွင့်ရသူ တို့သည် အလွန့်အလွန် ဘုန်းကံကြီးကြပါပေသည်။ (မိထွေးတော်ဂေါတမီ)  
www.dhammaweb.net  
line decor
  
Thursday, 19th January 2017 8:41pm.
line decor
             

Tipitaka DataBase
 
Home
အဘိဓမ္မပိဋက ဓမ္မသင်္ဂဏီပါဠိတော် စိတ်, စေတသိက်ပိုင်း ဒေါသမူ ပဌမစိတ် အဘိဓမ္မပိဋက ဓမ္မသင်္ဂဏီပါဠိတော် စိတ်, စေတသိက်ပိုင်း
ဒေါသမူ ပဌမစိတ်
Untitled Document

၁-တရားတို့ကို ပိုင်းခြား၍ဟောကြားခြင်း {ဓမ္မ၀၀တ္ထာန၀ါရ}
(က) အကျဉ်းချုပ်ဟောကြားခြင်း {ဥဒ္ဒေသ၀ါရ}
ဒေါသမူ ပဌမစိတ်
၄၁၃။ အဘယ်တရားတို့သည် အကုသိုလ်မည်ကုန်သနည်း။
အကြင်အခါ၌ စိတ်မချမ်းသာမှု {ဒေါမနဿ} နှင့် တကွဖြစ်သော ၊ အာရုံ၌ ထိပါးမှု {ပဋိဃ} (ဒေါသ) နှင့် ယှဉ်သောအကုသိုလ်စိတ်သည် ရူပါရုံကို ဖြစ်စေ၊ သဒ္ဒါရုံကိုဖြစ်စေ၊ ဂန္ဓာရုံကိုဖြစ်စေ၊ ရသာရုံကိုဖြစ်စေ၊ ဖောဋ္ဌဗ္ဗာရုံကိုဖြစ်စေ၊ ဓမ္မာရုံကိုဖြစ်စေ အကြင်အကြင် တစ်ပါးပါးကို (အာရုံတစ်မျိုးမျိုးကို) အာရုံပြု၍ဖြစ်ဆဲဖြစ်၏။
တရားအကျဉ်းသရုပ်
ထိုအခါ၌ တွေ့ထိမှု {ဖဿ} သည် ဖြစ်၏၊ ခံစားမှု {ဝေဒနာ} သည် ဖြစ်၏၊ မှတ်သားမှု {သညာ} သည် ဖြစ်၏၊ စေ့ဆော်မှု (နှိုးဆော်မှု) {စေတနာ} သည် ဖြစ်၏၊ သိမှု {စိတ်} သည် ဖြစ်၏၊ ကြံစည်မှု {၀ိတက်} သည် ဖြစ်၏၊ သုံးသပ်မှု {၀ိစာရ} သည် ဖြစ်၏၊ ဆင်းရဲမှု {ဒုက္ခ} သည် ဖြစ်၏၊ စိတ်၏တစ်ခုတည်းသော အာရုံရှိသည်၏အဖြစ် {စိတ္တေဿကဂ္ဂတာ} သည် ဖြစ်၏၊ အစိုးတရ အားထုတ်မှု {၀ီရိယိနြေ္ဒ} သည် ဖြစ်၏၊ အစိုးတရ တည်ကြည်မှု {သမာဓိနြေ္ဒ} သည် ဖြစ်၏၊ အစိုးတရ သိမှု {မနိနြေ္ဒ} သည် ဖြစ်၏၊ အစိုးတရစိတ်မချမ်းသာမှု {ဒေါမနဿိနြေ္ဒ} သည် ဖြစ်၏၊ အစိုးတရစောင့်ရှောက်မှု {ဇီဝိတိနြေ္ဒ} သည် ဖြစ်၏၊ မှားယွင်းစွာ ကြံစည်မှု {မိစ္ဆာသင်္ကပ္ပ} သည် ဖြစ်၏၊ မှားယွင်းစွာအားထုတ်မှု {မိစ္ဆာဝါယာမ} သည် ဖြစ်၏၊ မှားယွင်းစွာ တည်ကြည်မှု {မိစ္ဆာသမာဓိ} သည် ဖြစ်၏၊ မတုန်မလှုပ် အားထုတ်မှု {၀ီရိယဗိုလ်} သည် ဖြစ်၏၊ မတုန်မလှုပ် တည်ကြည်မှု {သမာဓိဗိုလ်} သည်ဖြစ်၏။ (ကာယဒုစရိုက်စသော မကောင်းမှုမှ) မတုန်မလှုပ် မရှက်မှု {အဟိရီကဗိုလ်} သည် ဖြစ်၏။ (ကာယဒုစရိုက်စသော မကောင်းမှုမှ) မတုန်မလှုပ် မကြောက်လန့်မှု {အနောတ္တပ္ပဗိုလ်} သည် ဖြစ်၏၊ ဖျက်ဆီးမှု {ဒေါသ} သည် ဖြစ်၏၊ တွေဝေမှု {မောဟ} သည် ဖြစ်၏၊ စိတ်ပျက်စီးမှု {ဗျာပါဒ} သည် ဖြစ်၏။ (ကာယဒုစရိုက်စသော မကောင်းမှုမှ) မရှက်မှု {အဟိရီက} သည် ဖြစ်၏။ (ကာယဒုစရိုက်စသောမကောင်းမှု မှ) မကြောက်လန့်မှု {အနောတ္တပ္ပ} သည် ဖြစ်၏၊ ငြိမ်သက်မှု {သမထ} သည် ဖြစ်၏၊ ချီးမြှောက်မှု {ပဂ္ဂါဟ} သည် ဖြစ်၏၊ မပျံ့လွင့်မှု {အ၀ိက္ခေပ} သည် ဖြစ်၏။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသောတရားတို့မှ) တစ်မျိုးတခြားလည်း ဖြစ်ကုန်သော အကြောင်းကို စွဲ၍ ဖြစ်ကုန်သော (ဆန္ဒ, အဓိမောက္ခ, မနသိကာရ, ဥဒ္ဓစ္စ, ဣဿာ,မစ္ဆရိယ, ကုက္ကုစ္စဟူသော) အကြင်နာမ်တရားတို့သည်ရှိကုန်၏။ ဤတရားတို့သည် အကုသိုလ်မည်ကုန်၏။
(ခ) အကျယ်ဟောကြားခြင်း {နိဒ္ဒေသ၀ါရ}
ဖဿ၏ သဘော
၄၁၄။ ထိုအခါ၌ တွေ့ထိမှု {ဖဿ} ဟူသည် အဘယ်သဘော ဖြစ်သနည်း။
ထိုအခါ၌ အကြင် တွေ့ထိခြင်း၊ တွေ့ထိပုံအခြင်းအရာ၊ ကောင်းစွာ တွေ့ထိပုံအခြင်း အရာ၊ ကောင်းစွာတွေ့ထိတတ်သည်၏ အဖြစ်သည် (ရှိ၏)။ ထိုအခါ၌ တွေ့ထိမှု {ဖဿ} ဟူသည် ဤ သဘောဖြစ်၏။
ဝေဒနာ၏ သဘော
၄၁၅။ ထိုအခါ၌ ခံစားမှု {ဝေဒနာ} ဟူသည် အဘယ်သဘော ဖြစ်သနည်း။
ထိုအခါ၌ ထိုမသာယာဖွယ်အား လျောက်ပတ်သော အထူးသိမှုသဘော {မနောဝိညာဏ ဓာတ်} ၏ကောင်းစွာ တွေ့ထိမှုကြောင့် ဖြစ်သော စိတ်၌ မှီသော အကြင် မသာယာမှု၊ စိတ်၌ မှီသော ဆင်းရဲမှု၊ စိတ်၏ ကောင်းစွာ တွေ့ထိမှုကြောင့် ဖြစ်သော မသာယာဖွယ်ကို ခံစားမှု၊ ဆင်းရဲကို ခံစားမှု၊ စိတ်၏ကောင်းစွာ တွေ့ထိမှုကြောင့် ဖြစ်သော မသာယာဖွယ် ခံစားမှု၊ ဆင်းရဲခံစားမှုသည် (ရှိ၏)။ ထိုအခါ၌ ခံစားမှု {ဝေဒနာ} ဟူသည် ဤသဘောဖြစ်၏။ပ။
ဒုက္ခ၏ သဘော
၄၁၆။ ထိုအခါ၌ ဆင်းရဲမှု {ဒုက္ခ} ဟူသည် အဘယ်သဘော ဖြစ်သနည်း။
ထိုအခါ၌ စိတ်၌ မှီသော အကြင် မသာယာမှု၊ စိတ်၌ မှီသော ဆင်းရဲမှု၊ စိတ်၏ ကောင်းစွာ တွေ့ထိမှုကြောင့်ဖြစ်သော မသာယာဖွယ်ကို ခံစားမှု၊ ဆင်းရဲကို ခံစားမှု၊ စိတ်၏ ကောင်းစွာ တွေ့ထိမှုကြောင့်ဖြစ်သော မသာယာ ဖွယ်ခံစားမှု၊ ဆင်းရဲခံစားမှုသည် (ရှိ၏)။ ထိုအခါ၌ ဆင်းရဲမှု {ဒုက္ခ} ဟူသည်ဤသဘောဖြစ်၏။ပ။
ဒေါမနဿိနြေ္ဒ၏ သဘော
၄၁၇။ ထိုအခါ၌ အစိုးတရစိတ်မချမ်းသာမှု {ဒေါမနဿိနြေ္ဒ} ဟူသည် အဘယ်သဘော ဖြစ်သနည်း။
ထိုအခါ၌ စိတ်၌ မှီသော အကြင်မသာယာမှု၊ စိတ်၌ မှီသော ဆင်းရဲမှု၊ စိတ်၏ ကောင်းစွာ တွေ့ထိမှုကြောင့်ဖြစ်သော မသာယာဖွယ်ကို ခံစားမှု၊ ဆင်းရဲ ကို ခံစားမှု၊ စိတ်၏ကောင်းစွာ တွေ့ထိမှုကြောင့် ဖြစ်သော မသာယာဖွယ် ခံစားမှု၊ ဆင်းရဲခံစားမှုသည် (ရှိ၏)။ ထိုအခါ၌ အစိုးတရစိတ်မချမ်းသာမှု {ဒေါမနဿိနြေ္ဒ} ဟူသည် ဤသဘောဖြစ်၏။ပ။
ဒေါသ၏ သဘော
၄၁၈။ ထိုအခါ၌ ဖျက်ဆီးမှု {ဒေါသ} ဟူသည် အဘယ်သဘောဖြစ်သနည်း။
ထိုအခါ၌ အကြင် ဖျက်ဆီးမှု {ဒေါသ} ၊ ဖျက်ဆီးပုံ အခြင်းအရာ {ဒုဿနာ} ၊ ဖျက်ဆီး တတ်သူ၏အဖြစ် {ဒုဿိတတ္တ} ၊ ဖောက်ပြန်ခြင်း {ဗျာပတ္တိ} ၊ ဖောက်ပြန်ပုံ အခြင်းအရာ {ဗျာပဇ္ဇနာ} ၊ ဖောက်ပြန်တတ်သူ၏အဖြစ် {ဗျာပဇ္ဇိတတ္တ} ၊ ဆန့်ကျင်မှု {၀ိရောဓ} ၊ အဖန်ဖန် ဆန့်ကျင်မှု {ပဋိဝိရောဓ} ၊ ကြမ်းတမ်းသူ၏အဖြစ် {စဏ္ဍိက္က} ၊ ကောင်းမွန် ပြည့်စုံစွာ မပြောဆိုနိုင်ခြင်း (မကောင်းသဖြင့် ပြောဆိုခြင်း) {အသုရောပ} ၊ စိတ်၏ မနှစ်လိုမှု {အနတ္တမနတာ စိတ္တဿ} သည် (ရှိ၏)။ ထိုအခါ၌ ဖျက်ဆီးမှု {ဒေါသ} ဟူသည် ဤသဘောဖြစ်၏။ပ။
ဗျာပါဒ၏ သဘော
၄၁၉။ ထိုအခါ၌ စိတ်ပျက်စီးမှု {ဗျာပါဒ} ဟူသည် အဘယ်သဘောဖြစ်သနည်း။
ထိုအခါ၌ အကြင် ဖျက်ဆီးမှု၊ ဖျက်ဆီးပုံ အခြင်းအရာ၊ ဖျက်ဆီးတတ်သူ၏ အဖြစ်၊ ဖောက် ပြန်ခြင်း၊ ဖောက်ပြန်ပုံအခြင်းအရာ၊ ဖောက်ပြန်တတ်သူ၏အဖြစ်၊ ဆန့်ကျင်မှု၊ အဖန်ဖန် ဆန့်ကျင်မှု၊ ကြမ်းတမ်းသူ၏အဖြစ် (ကြမ်းတမ်းမှု)၊ ကောင်းမွန် ပြည့်စုံစွာ မပြောဆိုနိုင်ခြင်း (မကောင်းသဖြင့်ပြောဆိုခြင်း)၊ စိတ်၏ မနှစ်လိုမှုသည် (ရှိ၏)။ ထိုအခါ၌ စိတ်ပျက်စီးမှု {ဗျာပါဒ} ဟူသည် ဤသဘောဖြစ်၏။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသောတရားတို့မှ) တစ်မျိုးတခြားလည်း ဖြစ်ကုန်သော အကြောင်းကို စွဲ၍ ဖြစ်ကုန်သော (ဆန္ဒ, အဓိမောက္ခ, မနသိကာရ, ဥဒ္ဓစ္စ, ဣဿာ, မစ္ဆရိယ,ကုက္ကုစ္စဟူသော) အကြင်နာမ်တရားတို့သည်ရှိကုန်၏။ ဤတရားတို့သည် အကုသိုလ်မည်ကုန်၏။
၂-စုပေါင်းဟောကြားခြင်း {ကောဋ္ဌာသ၀ါရ}
(က) ဥဒ္ဒေသ၀ါရ
ထိုအခါ၌ ခန္ဓာလေးပါးတို့သည် ဖြစ်ကုန်၏၊ အာယတနနှစ်ပါးတို့သည် ဖြစ်ကုန်၏၊ ဓာတ်နှစ်ပါးတို့သည် ဖြစ်ကုန်၏၊ အာဟာရသုံးပါတို့သည် ဖြစ်ကုန်၏၊ ဣနြေ္ဒ ငါးပါးတို့သည်ဖြစ်ကုန်၏၊ အင်္ဂါလေးပါးရှိသော ဈာန်သည် ဖြစ်၏၊ အင်္ဂါသုံးပါးရှိသော ဒုဂ္ဂတိဘ၀သို့ရောက်ကြောင်း {မဂ်} သည် ဖြစ်၏၊ ဗိုလ်လေးပါးတို့သည် ဖြစ်ကုန်၏၊ ဟိတ်နှစ်ပါးတို့သည် ဖြစ်ကုန်၏၊ တွေ့ထိမှု {ဖဿ}တစ်ပါးသည် ဖြစ်၏။ပ။ ဓမ္မာယတနတစ်ပါးသည် ဖြစ်၏၊ ဓမ္မဓာတ်တစ်ပါးသည် ဖြစ်၏။
ယေ၀ါပနကတရားများ
ထို့ပြင် ထိုအခါ၌ (ဆိုအပ်ခဲ့ပြီးသောတရားတို့မှ) တစ်မျိုးတခြားလည်း ဖြစ်ကုန်သော အကြောင်းကို စွဲ၍ဖြစ်ကုန်သော (ဆန္ဒ, အဓိမောက္ခ, မနသိကာရ, ဥဒ္ဓစ္စ, ဣဿာ, မစ္ဆရိယ,ကုက္ကုစ္စဟူသော) အကြင် နာမ်တရားတို့သည်ရှိကုန်၏။ ဤတရားတို့သည် အကုသိုလ်မည်ကုန်၏။
(ခ) အကျယ်ဟောကြားခြင်း {နိဒ္ဒေသ၀ါရ} နှင့် (ဂ) ပဋိနိဒ္ဒေသ၀ါရ
သင်္ခါရက္ခန္ဓာ
၄၂၀။ပ။ ထိုအခါ၌ ပြုပြင်မှုအစု {သင်္ခါရက္ခန္ဓာ} ဟူသည် အဘယ် သဘောဖြစ်သနည်း။
(ထိုအခါ၌) တွေ့ထိမှု {ဖဿ} ၊ စေ့ဆော်မှု (နှိုးဆော်မှု) {စေတနာ} ၊ ကြံစည်မှု {၀ိတက်} ၊ သုံးသပ်မှု {၀ိစာရ} ၊ စိတ်၏ တစ်ခုတည်းသော အာရုံရှိသည်၏အဖြစ် {စိတ္တေဿကဂ္ဂတာ} ၊ အစိုးတရ အားထုတ်မှု {၀ီရိယိနြေ္ဒ} ၊ အစိုးတရ တည်ကြည်မှု {သမာဓိနြေ္ဒ} ၊ အစိုးတရ စောင့်ရှောက်မှု {ဇီဝိတိနြေ္ဒ} ၊ မှားယွင်းစွာကြံစည်မှု {မိစ္ဆာသင်္ကပ္ပ} ၊ မှားယွင်းစွာ အားထုတ်မှု {မိစ္ဆာဝါယာမ} ၊ မှားယွင်းစွာ တည်ကြည် မှု {မိစ္ဆာသမာဓိ} မတုန်မလှုပ် အားထုတ်မှု {၀ီရိယဗိုလ်} ၊ မတုန်မလှုပ် တည်ကြည်မှု {သမာဓိဗိုလ်}။ (ကာယဒုစရိုက်စသော မကောင်းမှုမှ) မတုန်မလှုပ် မရှက်မှု {အဟိရီကဗိုလ်}။ (ကာယဒုစရိုက်စသောမကောင်းမှုမှ) မတုန်မလှုပ် မကြောက်လန့်မှု {အနောတ္တပ္ပဗိုလ်} ၊ ဖျက်ဆီးမှု {ဒေါသ} ၊ တွေဝေမှု {မောဟ} ၊ စိတ်ပျက်စီးမှု {ဗျာပါဒ}။ (ကာယဒုစရိုက်စသော မကောင်းမှုမှ) မရှက်မှု {အဟိရီက}။ (ကာယဒုစရိုက် စသော မကောင်းမှုမှ) မကြောက်လန့်မှု {အနောတ္တပ္ပ} ၊ ငြိမ်သက်မှု {သမထ} ၊ ချီးမြှောက်မှု {ပဂ္ဂါဟ} ၊ မပျံ့လွင့်မှု {အ၀ိက္ခေပ} သည် (ရှိ၏)။ ထို့ပြင် ထိုအခါ၌ ခံစားမှုအစု {ဝေဒနာက္ခန္ဓာ} ကို ချန်ထား၍ မှတ်သားမှုအစု {သညာက္ခန္ဓာ} ကို ချန်ထား၍ အထူးသိမှု (စိတ်) အစု {၀ိညာဏက္ခန္ဓာ} ကို ချန်ထား၍ (ဆိုအပ်ခဲ့ပြီးသော တရားတို့မှ) တစ်မျိုးတခြားလည်း ဖြစ်ကုန်သော၊ အကြောင်းကို စွဲ၍ ဖြစ်ကုန်သော (ဆန္ဒ, အဓိမောက္ခ, မနသိကာရ, ဥဒ္ဓစ္စ, ဣဿာ, မစ္ဆရိယ,့ကုက္ကုစ္စဟူသော) အကြင် နာမ်တရား တို့သည်ရှိကုန်၏၊ ထိုအခါ၌ ပြုပြင်မှုအစု {သင်္ခါရက္ခန္ဓာ} ဟူသည်ဤသဘောဖြစ်၏။ပ။ ဤတရားတို့သည် အကုသိုလ်မည်ကုန်၏။